SALAH!!



إنهاردا حابب أتكلم عن محمد صلاح، نموذج الاعب المصري المشرف لأي مصري في أي حتة

محمد صلاح إبن بسيون الغربية مشرفنا يا رجالة

محمد صلاح من ناشئ نادي المقاولون العرب، لعب في المقاولين و هو ناشئ من ٢٠٠٦ ل ٢٠١٠

و تم تصعيدة للفريق الأول و لعب أول ماتش يوم ٣ مايو ٢٠١٠ في مبارة أنتهت بالتعادل مع نادي المنصورة ١ - ١

أول أهداف محمد صلاح كانت في النادي الأهلي في ماتش أنتهي بالتعادل بردو ١ - ١

محمد صلاح كان قريب جدًا من نادي الزمالك و لكن رئيس النادي في الوقت دا قالك " إن أمكانيات محمد صلاح ماتناسبش نادي الزمالك "

صلاح حاليًا هو العمود الفقري لروما و اللي بيعتمد عليه بصورة أساسيه المدير الفني لروما لوتشانو سباليتي و من قبله رودي جارسيا

رحلة احتراف

بازل 


أبتدي محمد صلاح رحلته الاحترافيه في بازل السويسري من ٢٠١٢ لحد ٢٠١٤ موسمين محمد صلاح بدع فيهم حرفيًا 

محمد صلاح لعب ٤٧ مبارة مع بازل سجل فيهم ٩ أهداف .. و سجل أول أهدافه مع بازل في مبارة ودية و لعب أول مبارة ودية في التشامبيونز ليج كبديل نزل في الدقيقة ٧٤

بازل لعبت ضد تشيلسي و سجل فيهم محمد صلاح جول من أجمل الاهداف من حيث التمركز و السرعة و طريقة التسجيل 

محمد صلاح حقق بطولة الدوري ٢٠١٢ - ١٣ مع بازل 


تشيلسي 

أنتقل محمد صلاح لتشيلسي في ٢٠١٤ .. و كان هناك تصريح من مورينهو بيقول إن أحنا مضينا مع صلاح لإنه علي الأقل مش ها يسجل فينا تاني .. عشان صلاح سجل فيهم ياعني قبل كدا

صلاح واجهة مشكلة، إن مركزة كلاعب جناح أو كمهاجم تاني  فيها نجوم كتير جدًا في تشيلسي فمكانش أمامه غير أثبات نفسه و اقتناص اقرب فرصة قدامه 

صلاح نزل بديل في ماتش أرسنال و قدر يسجل جول باستغلال سرعتة و قدر يزود الأهداف ل ٦ أهداف في مبارة اكتسح فيها تشيلسي الجانرز

و لكن للأسف استمرار صلاح في تشيلسي ماكملش .. و كان لازم يرحل عشان يدور عن فرصة تانية لإن لو فضل في تشيلسي ماكنش ها يفارق الدكة 

صلاح كان بالفعل أنتقل للفيولا علي سبيل الأعارة .. و لكن صلاح كان بالفعل حصد مع تشيلسي دوري و كابيتال وان لإنه كان أعارة ماكنش بيع نهائي 

فيرونتينا 

تألق محمد صلاح في الفيولا تألق واضح و بارز و دي نقطة تحول محمد صلاح .. بعد التألق الرائع اللي قدمة مع الفيولا أبتدت الصحافة العالمية تلوم تشيلسي علي بيع صلاح و إنه لو كان أخد فرصة كاملة في تشيلسي كان ها يعمل الفارق .. 

صلاح أتالق في الفيولا تألق فعلاً يستحق عليه الإشادة .. تعب و أجتهد و سجل جول في اليوفي يتدرس 

صلاح لعب مع الفيولا ١٦ مبارة سجل فيهم ٦ أهداف 

صلاح سجل في توتنهام مرتين مرة مع الفيولا و مرة مع بازل و المرتين في اليورب ليج 

بالإضافة لأحرازه هدف الفوز مع الفيولا ضد الإنتر ميلان 

عشان يعمل ضجة كبيرة و يعلق جمهور الفيولا بيه أكثر .. و من ضمن جماهير الفيولا هو رئيس الوزراء الإيطالي

اللي أشاد جدًا بمستوي محمد صلاح! و قال عليه كلام رائع مع الرئيس المصري من خلال المقابلات 

و لكن هنا أتخلق تحول جديد في حياة محمد صلاح 

روما 

بعد ما راح محمد صلاح روما .. أبتدت جماهير الفيولا تشتم فيه و أتحول الحب الكبير اللي في قلوب كل مشجعين الفيولا لكرة كبير جدًا ليه 

ولكن 

روما هي أثبات إن محمد صلاح لاعب عالمي .. لاعب يستحق اللعب في أقوي الدوريات العالمية و أقوي الفرق مش ها ستغرب لو بعد سنتين شوفت محمد صلاح في نادي زي ريال مدريد أو قدوة كبيرة في روما .. و هو بالفعل في الوقت الراهن قدوة 

محمد صلاح عامل موسم من أحلي المواسم الكروية ليه في حياته هداف الفريق ب ٩ أهداف و ظهر مع الذئاب في ٢٢ مناسبة 

سجل من ال ٩ أهداف .. هدف في فريقة القديم الفيولا و ثبت لجماهير الفيولا إنه لاعب عالمي .. و رفض يحتفل بالهدف أحترامًا ليهم .. ولد يا صلاح 

صلاح من ضمن ال ٩ أهداف فيهم هدف في التشامبيونز ليج كان ضد ليفركوزن .. بالإضافة إن محمد صلاح عنده ٢ اسيست في الدوري و ٢ كارت أصفر و ١ كارت أحمر 

.. 

محمد صلاح 

صلاح لاعب كبير ماحدش يقدر يختلف .. عبقري من حيث أستغلاله لحاجات كتير زي التمركز و السرعه و الحماس 

صلاح  في الوقت الراهن عمود أساسي و ركن من ركائن الذئاب .. شوفنا سباليتي في ماتش روما ضد ريال مدريد و هو بيطلب من الاعبين نقل الهجمة لمحمد صلاح لإن سباليتي عارف إن صلاح هو الاعب القادر علي اللعب تحت ضغط و خلق فرص من خلال استغلاله لسرعتة 

صلاح لاعب بيطور من نفسه بشكل ملحوظ عن كل ماتش .. زي ما قولت فوق .. مش بعيد صلاح كمان سنتين ينتقل للريال مدريد أو يرجع تشيلسي .. صلاح منتظرة مستقبل أحسن من كدا بكتيييير

و لكن أنا مش مع أن صلاح ينتقل لأكثر من نادي .. الانتقال لأكثر من نادي بيضر أكثر ما بيفيد .. أفادته من وجهة نظري إن هي بتقتصر فقط علي كسب الخبرات و لكن مش بتعمل تاريخ للاعب .. كل الاعبيين أصحاب التاريخ بيكتبوا تاريخهم مع نادي معين بيكهام كتب تاريخه مع مان يو .. كريستيانو رونالدو كتب تاريخ مع ريال مدريد كذلك رونالدينهو مع برشلونة  و توتي مع الذئاب 

الفكرة إن صلاح ممكن يكتب تاريخه كلاعب مع الذئاب .. روما نادي كبير من أحسن الاندية في العالم و شرف لأي حد أنه يلعب في نادي بحجم روما 

أبتعاد صلاح عن الميديا بشكل عام هي سبب من أسباب نجاحه و إن دلت تدل علي إنه فاهم و واعي 

صلاح بالاضافة يعتبر من أهم لاعبين المنتخب مع النني .. و دائمًا ما يعول عليه كوبر في مباريات المنتخب الرسمية 

شكرًا. 

Comments

Popular posts from this blog

لا لعقد جديد.