أليكس ماكليش / الزمالك.



أليكس ماكليش 



إنهاردا ها نتكلم عن مدرب من المدربيين اللي ليهم تجربة في الدوري الأنجليزي، كلنا عارفين إن الدوري الانجليزي من 
أصعب الدوريات العالمية و التدريب فيه و تحقيق نجاحات مش سهل، مدرب الزمالك القادم هو أليكس ماكليش، واللي ما يعرفش أليكس ماكليش هو مدرب أسكتلندي درب أستون فيلا من ٢٠١١ ــ ٢٠١٢، أليكس لعب فيهم ٤٢ ماتش كسب ٩ و خسر ١٦ و أتعادل في ١٧ بنسبة نجاح ٢١٪ نسبة من وجهة نظري سيئة بعد مشوار ناجح جدًا مع برمينجهام سيتي لعب فيهم مالكيش ١٦٨ مبارة كسب ٦٢ و خسر ٥٥ و اتعادل ٥١ مبارة بمعدل نجاح ٣٧٪ قدر كمان أنه يحقق مع برمينجهام سيتي حقق معاهم الكابيتال وان و قدر يطلع بيهم للدوري الممتاز .. بس دي مش أول مرة للمدرب أليكس ماكليش اللي يحقق  فيها نجاح، بالعكس حقق قبل كدا مع رانجرز .. أليكس ماكليش تولي تدريب رانجرز من ٢٠٠١ لحد ٢٠٠٦ حقق فيهم بطولة الدوري مرتين و كأس سكتلندا مرتين و Scottish league cup ٣ مرات 

أليكس لعب مع رانجرز ٢٣٥ مبارة حقق فيهم ١٥٥ فوز، ٣٦ خسارة ٤٤ تعادل بنسبة نجاح ٦٦٪ ، نسبة زي دي في دوري صعب نسبة مرضية جدًا بالنسبة لي 

علي الرغم من أن اليكس ما لعبش في أندية كتير هو نادي واحد بس نادي أبيردين إلا أن أنجازاتة كلاعب كثيرة أليكس مع فريقة خد الدوري ٣ مرات بالإضافة للكأس الاستكلندي ٥ مرات و الليج كاب مرتين و اليوروبان كاب مرة و اليوروبان سوبر كاب مرة أليكس كان لاعب ارتكاز مسيرتة كلاعب فيها ٤٩٣ ماتش سجل فيهم ٢٥ هدف 

أليكس لعب ٣ مباريات في نادي Motherwell الاسكتلندي ما سجلش فيهم ولا جول 

و أول ما ابتدي حياتة التدريبية كان في نفس النادي دا دربة من ١٩٩٤ إلي ١٩٩٨ أدار فيهم ١٥٦ ماتش فاز في ٤٨ و خسر في ٦٣ و اتعادل في ٤٥ .. مُرضي بالنسبة لي أليكس كمان قدر أنه يصعد بيه المركز الثاني بعد ما انهي المركز الثالث موسم ٩٣ 

أليكس حصل علي فرصة تدريب منتخب بلاده ولكنها ما استمرتش طويلاً اليكس في عام ٢٠٠٧ درب المنتخب الاسكتلدني لعب معاه ١٠ مباريات كسب في ٧ و خسر في ٣ بدون ولا تعادل ..  و حقق نسبة فوز ٧٠٪ 

ولكن ما استمرش طويلًا لحد ما تولي من بعده جورج بيرلي الإدارة الفنية عام ٢٠٠٨ و اللي مشي بعد ١٤ مبارة

أليكس تولي بردو تدريب نوتنهام فورست ٧ مباريات حقق فيهم فوز وحيد و خسر ٤ و تعادل ٢ عشان يكون أسوأ فترة تولي لـ أليكس ماكليش  عشان يتولي فريق چنك البلچيكي

تولي أليكس ماكليش فريق چنك البلچيكي عام ٢٠١٤ عشان يسترد بيه قوته التدريبية تاني .. أليكس كان طالع من كبوه مع فريق نوتنهام فوريست و لكنه تخطاها مع الفريق البلچيكي

أليكس لعب مع چنك ٣٥ مبارة فاز في ١٨ و خسر في ٧ و تعادل في ١٠ بنسبة نجاح ٥٢٪ 

عشان يبقا أليكس ماكليش المدرب الاستلكندي أدار ٨١٧ مبارة طول حياته التدريبية فاز في ٣٧٧ و خسر في ٢٢٩ و تعادل في ٢١١ وجهة نظري في أليكس كمدرب أنه مدرب ممتاز .. إنك تعيش طول حياتك في الدوري الأنجليزي بتدرب فرق من مستويات مختلفة دا شئ في حد ذاته صعب الدوري الانجليزي دوري صعب و إنك تحقق نجاح زي اللي حقق ماكليش دا شئ أصعب .. 

هل ينجح ماكليش مع الزمالك؟ 


وجهة نظري، أه ينجح .. ماكليش مدرب يعرف يتعامل مع الاعيبة كويس .. بس دا ليه شروط كل اللي فوق دا هي مجرد نبذه عن المدرب توريكم إنه أهل لتولي تدريب فريق كبير بحجم نادي الزمالك بس إيه هي الشروط؟ 

أولاً ـ لازم مرتضي يديله الفرصة الكاملة دون التدخل في عملة و إعاقته زي كل المدربين اللي فاتو 

ثانيًا ـ إلتزام الاعيبة مين يقدر ينكر إن الاعيبة عارفة إن لما المدرب يخفق ها يمشي فا مش ها يسمع كلام المدرب لو حس إن المدرب مش عارف يفوز فا يزيد الاعيبة في تعنتهم مدرب زي دا محتاج فترة يعرف الاعيبة التعاقد معاه في الوقت دا هو وقت مناسب جدًا يقدر يعرف الاعيبة و اماكنهم 

ثالثاً ـ إلتزام الجهاز المساعد و تقدير انهم بيعملو لمصلحة نادي الزمالك الكيان اللي لعبوا ليه لازم دور الجهاز  المساعد إنه يقف جنب المدرب عشان يقدر يعرف الاعيبة اسرع و يفهم الاجواء أسرع خصوصًا إنه اول مرة يدرب في أفريقيا و في مصر 

رابعًا  ـ دعم الأعلام واجب في الفترة دي و أعطائة دافعه 

خامسًا ـ الصبر يا جماعه مش ها نحكم علي الراجل من اول ماتشين او تلاته لازم نديله الفرصة الكاملة 


المدرسة الأنجليزية أم البرتغالية؟ 


المدرسة الأنجليزية هي مدرسة المتعة مدرسة التنظيم و الإثارة .. للإسف في مصر أحنا مقتصرين فقط علي المدرسة البرتغالية بشكل كبير رغم إنها مدرسة كبيرة إلا أن المدرسة الانجليزية تتغلب عليها بكتير 

المدرسة البرتغالية لم تتطور منذ ١٥ عام .. علي الرغم من وجود أندية زي سبورتنج لشبونة و بورتو في الدوري البرتغالي و وجود لاعبين عالميين إلا أن المنتخب البرتغالي و الدوري البرتغالي الأقل حظًا من حيث المتابعة  و من حيث البطولات الدولية أما بالنسبة للمنتخب فهو للأسف أقل حظًا من حيث الحصول علي الألقاب العالمية 

فيريرا .. ماكليش؟


طبعًا لازال هناك الكثير من المعجبين بفيريرا .. و أنا منهم و لكن بعد الأعلان عن تولي ماكليش الفريق فرحت لأن ماكليش مدرب كبير .. فكرة أوسع من فيريرا .. و مدرب علي مستوي عالمي فيريرا كانت شخصيتة مع الاعبين قوية جدًا في نفس الوقت الاعيبة بيحبوه و دي ميزة تتحسب لفيريرا .. ماكليش شخصية قوية جدًا و لكنها في معظم الاحيان ودودة و الاعبين بيحبوه .. مالكيش يقدر يلعب تحت ضغط كبير نظرًا لتدريبة استون فيلا في الدوري الأنجليزي

فيريرا لم لعب تحت ضغط كبير خسرنا ٥ ..

لذلك أنا أرجح كافة ماكليش في إنها تنجح و تحقق فارق واضح أكثر من فيريرا في حالة تحقيق الشروط ال ٥ 


و شكرًا. 

*

Comments

Popular posts from this blog

لا لعقد جديد.

SALAH!!